生活點子

超兒出嫁

7:30 要去到西營盤... z_z
實際都未有咁早化得妝，伴娘先嘛，等囉。

新娘個細佬好搞笑，接完個電話同新娘爸爸講，「新郎到左樓下」。
我睇時間，乜咁早既。
過一陣，聽到其他人話新郎仲未出發。
新娘爸爸即刻問新娘細佬，「又話到左既？」
新娘細佬話，「唔係咁講你點會咁快換好衫著好鞋」。
亞爸亞媽咁樣呃 d 細既就多姐，掉返轉都有既，哈哈哈！

玩遊戲。
三級型 - 一個用身體夾住唇膏，另一個人要塗咀。
虐待型 - 赤腳向冰水夾野。
標準型 - 愛的宣言
註，唔係我諗既，哈，邊個會好似我咁錫住個新郎哥丫。

出發去男家。
得件通通冷披肩，落到街都幾凍。
姐妹呢個時候冇野做，其他人我又唔識，都悶悶地。

由 lunch 開始，我照顧住個花球。
個花球紫色粉紅色，幾靚。
仲好香，經過都聞到味。
唔殘囉，我照顧得好嘛~

去到酒樓果邊，休息時間。
其他姐妹補妝換 look，我坐下囉，邊有咁多野搞。

酒樓註冊。
就係有人真係唔離開麻雀檯。
真係冇佢辦法，激死新娘。

夜晚辛苦咯。
我做接待處。
「歡迎光臨，簽個名先丫，請問係男家定係女家既親友？」
「等我幫你睇下坐邊丫。」
......
好支力架！

開席先休息。
我仲要處理私事 -- 搵前老細簽 application form。
黑媽媽，我叫佢簽邊度就簽邊度，佢都唔知簽 d 乜野。
哈哈，我都覺得搞笑左 d。

完場喇，收拾收拾。
下！？斟茶！？ shxt
搞到十二點幾，我要趕車走。
有個兄弟話佢住第一城，可以車埋我，再轉的士返屋企...
我自己趕巴士好過。

上車，噢！
點解我個袋仲袋住封人情架！
暈......

Labels: 工場 A

posted by ccming @ 11:59 pm