生活點子

花花

約左一點鐘去 Trinice 睇花球。
其實我想睇下實物架，相網上面都有得睇啦。
不過原來冇架。
其實我又冇諗住咁快落訂，想睇多幾間先。
不過柴仔講得岩，其實我心入面都決定左啦，無謂再四圍貢。

食完午飯去探下梳化。
嘩，等到喇，等到喇！
之前睇中果張，一直都賣 3299。
今日賣 2999 仲有八八折，心動到不得了~
終於，忍唔住喇！
梳化，我地帶你返屋企！
兩個星期之後，我地就可以坐向梳化 un un 腳睇電視。
哇哈哈哈~

興致到，返新居測試下廚房既運作。
之前買左兩個福麵，今日買 d "送"就得喇。
買 d 雲吞、買 d 水餃，好健康咁買幾條菜。
買 d 野飲、買個金寶湯。
今餐好豐富~

測試結果：
1.想整粟米湯就要買鹽，如果唔係吊唔起 d 味。
2.要買勾掛毛巾。
3.洗碗程序有 d 問題，要諗諗計。
4.大件事，原來食飯睇唔到電視，點算~

Labels: 一片瓦, 劃火柴, 星期三緊, 煮飯仔, 花球

posted by ccming @ 11:37 pm