生活點子

大中小

咁岩得咁 Q，今日同哂大學、中學同小學同學接觸。

首先係同個大學同學食 lunch。
本來兩個既，不過有個尋晚飲大左，今日冇返工。
其實佢先係主角，因為佢轉工，會離開小西灣。
不過佢不嬲就係咁，冇黎答圾。

放工約左中學同學食週年晚飯兼睇人男友。
點解係週年晚飯？
事原係因為亞飯係元氣會員，每到生日就會收到 85 折優惠，咁我地就藉此出黎食一餐，聚一聚囉。
今次佢帶埋佢男友，我地話，要睇下佢係乜人先放心俾佢帶亞飯去澳洲。
見佢傻下傻下咁，都咪話唔擔心。

返到屋企，亞媽留左張字條向我桌面。
寫住一個小學同學既名、聯絡電話同目的 (gathering)。
我打俾生日包，問佢有冇收到邀請。
討論後，決定唔覆電話，當冇事發生。
唔好以為我唔念舊，我唔係個個都係咁對架。

posted by ccming @ 11:23 pm