生活點子

忘了時間的錶

今日大家都唔跑步，因為今日有行動。
約左 10:00 向屋企樓下等。
柴仔仲打電話俾我，睇下我起身未。
哼，我唔會遲架！

一齊去肥貓食早餐。
呢間野我細細個果陣都有去食下午茶架。
果陣有隻好肥既貓，所以改左個咁既名。
果度 d 潤麵最出名。

望住個餐牌，牛麵 17 蚊，潤麵 17 蚊，潤牛麵 19 蚊。
諗起一個補習老師講既經濟理論。
我地叫左一個牛麵，一個潤麵，當 34 蚊既付出有 38 蚊既享受。

食完出發。
同一樣既過程，有柴柴向身邊，感覺真係好。
第一次去呢 d 地方，有 d 驚驚青青。
到步之後等左好一陣子先開始行動。
係咩行動？呵...呵呵呵...

行動完畢，去進攻太古城。
一點幾向 food court 食咖哩，行到兩點已經唔知去邊度好。
去玩具反斗城做下大細路，揀槍玩劍，哇哈哈。
睇下各個噴水池同個倒水碌碌。
又冇野行喇，我話「三點幾咋喎，咁去邊呀？」
柴仔話「四點幾喎。」
睇返隻錶，噫，原來停左呀！
今朝仲行架，幾時停既呢？
以我隻錶既運行方式，點解會停左既呢？
都唔知發生乜事...

posted by ccming @ 11:15 pm