生活點子

五毫子朋友

駱駱突然請下午假，留返廿幾個電話等我打。
仲話最多聽晚陪我 OT。
咪玩啦，聽晚佢自己 O 飽佢。

今晚都唔 O，因為約左 d 老朋友食飯。
今次係亞利約既，初初佢冇提到有其他人架。
後來問我想唔想約其他人，我勿提議囉。
點知佢話已經約左，古古惑惑咁。

約左向信和果度食意粉屋，係我話想食既。
但係我地人多，等左好耐都冇多人桌。
結果轉地方囉，去左周記避風塘。
野食唔錯喎，可以介紹俾人 tim 呀。
佢仲有情人節餐，d 菜名改得好咸濕架。

席間佢地問起我有冇收到佢地既 SMS。
問我做乜收到唔覆。
我話因為唔知係咪網內，唔捨得俾五毫子。
佢地話原來我地既友情五毫子都唔值。
梗唔係啦，慳家之嘛！
佢地都係講下笑既姐。

亞飯送左一紮糖花俾我，有好多隻顏色好靚架。
我就同在坐既朋友分享，一人一支。
仲話十年後拿返出黎相認。
圖中就係我果支喇。


十一點幾，追魂電話又響起。
成卅十歲人，仲俾人追魂。
我話傾緊計，佢仲話有乜咁多野傾。
唉，囉唆定關心，睇下係咩人啦。

posted by ccming @ 11:14 pm