生活點子

"雜"誌

醫生篇
為左隻痛腳，今朝返工前的起心肝去睇醫生。
積埋積埋好多小問題一次過解決。
問醫生點解有小紅點，醫生話爆微絲血管。
但我又冇問啦啦點解會爆。
問醫生蹺腳後遺症既事，醫生話只要平衡就得。
算啦，我會嚴禁自己蹺腳架喇。
問醫生我既鼻敏感有冇第d藥醫，醫生話冇。
又開返之前隻藥，但我係唔會食架。
問醫生有冇得去check指數，醫生話冇。
拿藥拿醫生紙，返返公司都11:00。

工作篇
因為冇EE既聯絡方法，交低左叫亞AT同EE講我今朝睇醫生。
可惜向亞AT搵EE之前，EE已經搵上門。
之後聽返同事講，EE係打鑼咁搵我地架。
無啦啦又"奶"野。
午飯過後(今日同舊同事肥天食)飯氣攻心既我睜著眼聽EE講野。
半夢遊狀態坐EE車去"開荒"，大開眼界。
又大，又成個迷宮咁，「噫，點解行黎行去係呢個位既？」。
第時返工要預返10min由大門口去到自己個位。

工餘篇
放工塞架6C返屋企。
由於工作關係要落黃金走一趟。
唔係好鍾意呢個地方，去親都好有目標先去。
幾似男人去街買野。
唔似女人行街shopping。

晚飯篇前傳
約左貴族食晚飯。
向太子等佢，一齊去拿車。
向停車場向架車入面諗去邊度食。
話去某某商場，俾人話有車就唔好去呢d地方啦。
話去某區，又俾人話難搵位泊車。
要就返之後既活動，所以結果係去西貢。

晚飯篇
19:52進入停車場，泊好車，行返出去搵食。
我冇記低間餐廳叫乜野名。
叫左一個同海鮮有關既"粉"同一個同雞有關既pizza。
我覺得好好食。
傾下計，幾開心。
佢估到呢個blog既地址，當我解釋命名既由來，佢都話我好野。
講去旅行，佢問起我去韓國既事。
坦白講，果次發生既野我已經選擇性失左憶。
我連去左幾多日都唔記得。
佢有同我講感情事，我估因為我係一個超級局外人。
同佢講疑鄰竊斧既故仔，形容N小姐對佢既睇法：
「佢覺得係就係，佢覺得唔係就唔係。」
佢既發炎病...真係好笑左d..
沿海邊行返去拿車，我睇錶，佢問我係咪要返屋企。
梗唔係啦，戲玉都未到。
然後我話「仲有六分鐘。」，佢先知道乜事。

駕車篇
車，駛返去九龍塘，向個球場對開掉位，玩左四個圈。
其實，佢真係好勇敢。
佢仲有同我事後檢討，話我有乜唔好，有乜要注意返。
最大既死症，勿就係一緊張就搵掣踏囉。
驚唔驚？

糖水篇
歷完險，叫左火仔出黎一齊食糖水。
貴族向火仔形容佢自己係一個"生還者"。
無聊問下火仔邊間蟲蟲先至係真。
佢答：「我鍾意食邊間，邊間就係真。」
又話：「正如我鍾意聽邊d野，邊d就係真話。」
好似好有哲理。

完結篇
是時候回家了。
係有d唔願返屋企既，但聽日要返工。
落車，「撲」，「哎吔」，撼死我喇。
死貴族仲向度話「臨天光XX」。

總結
今日玩得幾開心，又驚又險。
會唔會有下一次呢？

posted by ccming @ 12:50 am