生活點子

願望超額完成

今日，我覺得我好幸福。

未放工就收到你電話，話去老商場辦事。
你提到吉凶既事，我希望你地冇事啦！

辦事之餘，你一路記掛住我既願望。
「好想食蛋糕。」
行左幾間都唔岩，結果向"西山寺"買左四個切餅。
芝士、朱古力、芒果、栗子......
搵個安樂窩享受d蛋糕。

去佬街行，我地既目的係雜雜同旦旦。
d臭野好似貴d，冇要。
見到我既老闆，say個hi，佢又提起report既事。
噫，唔記得問佢拿利是tim，蝕左。

去商場行，睇羽絨、跑鞋...
你實在太愛劉華...
你既行政人員平日look，我實會記住。
唔知你老闆會唔會話你成精呢。

見你而家做野都做得幾開心，老闆又對你好，我都好開心。

向串錯字行，你同我既心水都唔同。
你要腳同耳仔，我要粒粒同橡筋。
為左大家都有心頭好，揀左腳同粒粒果份。
買埋橙色黃色黑色同卷就走lu。

美味既晚餐，一個稀d一個杰d，仲有埋唔食得既汁撈。
可惜少左個湯。
下次一定有。

坐唔定既你，竟然肯陪我睇戲。
一部小品戲，男主角好型。
我睇得好開心。

呢個星期發生既事，我睇到你真係對我好好。
我又點會唔開心，唔幸福丫。

posted by ccming @ 11:36 pm