擬結婚通知書
今日請左假，去律師樓搞擬結婚通知書。地址係永隆銀行大廈十x樓，但兩條盲丙就走錯左入永隆銀行搞搞震。
上到去俾個 reception 姐姐嚇一嚇，差 d 要打俾爸爸問我姓乜。
柴仔要簽好多個名架，我簽得兩個。
話要簽返到時簽結婚證書個名，好緊張，慢慢寫~
走之前問清楚會幾時貼向婚姻註冊處，要去影相嘛！
叮叮過灣仔。
諗住貫徹我地睇展覽既行程，吃麥當當。
已經坐低左架喇，但柴柴諗起夜晚都會食，所以走囉。
求其食間茶餐廳。
入電腦展。
初初好少人，午飯時間過後就好多喇！
個場仲好大好大，以我地掂行掂過既方式咁行，都要行成四個鐘。
可惜冇心水既野賣，有 d 又唔知係咪真係抵，只係係咪都要買 d 野，所以買左張 16G SD card。
入落相機，見到可以影二千幾張相，影兩個幾鐘頭高清片，嘩，好開心呀~
離開電腦展，行返地鐵站果邊。
上電腦城睇下要唔要 dump 心。
得一間舖頭有得賣，唔使 dump 囉，但要睇返黃金旺電先至真係比較到。
搭船過尖沙咀。
影左 d 相，我覺得好靚呀！
諗住去惠康買 pizza 食，但原來惠康執左。
今日既"展覽一條龍"，唔係好得。
去玩具反斗城想買之前睇中左既禮物俾 johnstonbaby，但得返一盒殘舊既。
任務又失敗。
我仲要好趕好趕咁食麥當當(結果勿又係食麥當當)，然後卜去"卒"背。
柴柴就要向麥當當發毛。
夜晚返到屋企要趕製 label。
因為柴柴星期日就會發動首輪轟炸喇！
posted by ccming @ 11:31 pm
0 Comments:
Post a Comment
<< Home