生活點子

八分鐘生仔大法

今日貪新鮮，唔跑步，踩單車。
結果辛苦左柴仔，因為變左佢要跑崎嶇 d 既單車路，仲要將架單車搬上搬落。
心痛心痛...

終於買左條牛仔裙喇。
試左好幾條，唔係呢度唔岩就果度唔岩，買裙買衭都係咁，唉。
呢條都唔係 perfect 架，叫做好 d 咋。

上次搭巴士經過個墟見到鍋貼大王，今日行出去試下。
好似冇上次向上水食咁好味。
期望太高？

同柴仔講電視劇，發現左有 d 劇情好唔合邏輯囉。
好似有段生仔片咁，一作動就 call 白車，但係生左出黎白車先到。
柴仔話係八分鐘生仔大法喎。
佢仲話邊有醫生會將個聽筒當頸鍊咁戴。
諗下...又好似係喎...

小王子 yike yike，俾柴柴用籐條打打。
見佢匿埋向我背脊，望住佢佢會避你眼神咁。
好肉赤架，真係打在佢身，痛在我心。

posted by ccming @ 11:25 pm