生活點子

讀書考試

正值考試月份，我同 AT 都不時要溫下書。
佢讀 Cert 我讀 Dip。
我地讀既科目都同自己既工作冇關係。
可以話純粹為興趣。
總之唔係真係為左張沙紙，要考第一，用黎轉工果 d。
(係都唔讀呢個 Lv 啦)

見佢好努力溫書，一時興起問佢點解要咁努力。
佢話要好成績。
雖然我有時都係咁諗(因為我好勝)，但係有時又會諗，其實合格，畢到業，拿到沙紙已經好夠。
興趣班，其實唔需要考試，至少，唔需要放咁多時間為左個考試。
要考，只因為我地讀既係一個正規既“興趣班”，拿埋張沙紙叫做有証有據。(仲可以 claim 錢)
唔係話咩，只不過係我要得到既野，向上堂時已經得到。
考試，真係一個形式，唔會額外有得著。
況且，向呢個 Lv 考得好好又代表d乜野？

佢話，唔考試點知真係識。
但我同佢都知，考呢 d 試係俾哂 tips 既。
拿到滿分，又覺得真係識咩？

我講唔明佢，而且仲 feel 到佢覺得我串串咁。
我同亞媽都咁講過，不過老一輩實唔明，仲俾佢話鬼我。
我知你會明，仲會叫我收起那無謂既好勝心。

posted by ccming @ 8:07 pm