生活點子

香煎藕餅

2010-10-04T22:34:00.004+08:00

柴太煮飯仔~

之前柴仔都整過呢味野，我上網找找食譜，學下整。

材料
蓮藕 1段 ($4)
搞碎豬肉 $12
雞蛋 1隻
豆粉 1湯匙
鹽適量

調味料
沙糖小許
生抽小許

做法
1. 將蓮藕去皮, 切成薄件, 再切成幼粒備用
3. 碎豬肉加入調味料搞至起膠
4. 加入蓮藕粒撈勻
5. 加入雞蛋(1隻), 及豆粉(1湯匙)搞勻
6. 用手隨意搓成球形, 碌上薄薄一層豆粉
7. 用易潔獲以匙壓成薄薄圓形, 中慢火煎至兩邊呈金黃即可

成品

都 ok 架，但好似熱氣左 d 囉......

爸爸七十大壽舉家台北四天之旅

2010-10-02T03:06:00.025+08:00

28/9/2010
十一點半機，約左九點向機場等。
同康泰職員拿機票，佢問我地搭唔搭早一個鐘頭，即係十點二十五分飛既機去喎。
爸爸一聽到就係咁話好，諗都唔諗問都唔問。
就係咁，原本諗住向機場歎個早餐既計劃就失敗左，柴公要向奇華執個包食黎食藥。

好趕好趕咁上飛機。
十二點幾到台北。
到左機場先換台幣，冇 4 呀，得 3.9 咋。
跟住姐姐搭大有巴士去酒店 - 天成大飯店。
酒店接待處個女接待員，聽佢講野，不得不說一句"巧可愛耶~"
三間房都唔同間隔，可惡既係我地間房對住四個大煙囪！

收左房之後既活動，就係等。
等團長計劃行程...
話去鼎泰豐，但搵唔到向邊...
結果肚餓得滯，只係向酒店附近既無名小店搞掂。

食完野出發去第一個景點 - 中正紀念堂。
冇時限，任影唔嬲。
媽媽上唔到中間有個像果個堂，我唔放心佢一個人等我地，所以我都冇上到。
我以為我會上返去，但結果冇囉。

一個景點後，就到晚飯時間。
我地去左暴龍表妹推薦既紅蟹將軍。
入到餐廳，唔係好覺得自己向台灣，因為四圍都有人講廣東話...
蟹、牛、海鮮都好正！
爸爸仲話第晚再去 tim，我地唔睬佢之嘛~

29/9/2010
食過酒店既早餐，返房睇電視+訓覺等出發。
由士林站轉巴士去故宮博物院。
我上巴士嘟左悠遊卡先發覺應該係落車嘟。
落車果陣同返司機講我上車嘟左..."我嘟左"...
行故宮博物院行左三個鐘，跟團的確冇可能做到。
"lunch"去晶華(故宮博物院範圍餐廳)。
佢 show 出黎個價錢都 ok，但諗下都係古怪架喇，結果真係得細細碗囉。
食完返士林站，準備去淡水。
行行下發現 Tiamo 專門店，柴仔有收獲呀！
買左個量杯仔，越南壼貴過香港，所以冇買。
去到淡水，沿住海邊行，好趕好趕咁行去尾影日落。
我都支力啦，支力死亞媽呀。
天黑行老街，買下野食下野。
我買左個超~
大家都買左鳳梨酥。(間舖頭本來冇人，經我地一買變左好多人)
晚飯嘛，犀利咯，我諗好多香港人都未試過...台灣吉野家！
冇辦法啦，老人家唔頂得肚餓，唯有食豬唔食牛囉。
返酒店，向台北站，姐要爸爸媽媽帶路返酒店，考下佢地認路能力。
唉，好似亞笨同亞占咁。
睇住佢地一個行左，一個行右，唔見左大家...
唉...

30/9/2010
弊...今日病病地...頂住...
尋日買左個超，今朝幾好天勿戴下囉，點知出事...
坐臺鐵去瑞芳，再塔平溪線去十分。
去到瑞芳已經落雨...
去到菁桐，太大雨車都冇落，返轉頭去平溪搵食。
食店叫福昌，好在好味，隻雞同 d 筍食到亞姐同亞媽回味無窮。
我都係咁二買到 d 天燈仔做手信。
夜晚去西門町。
唔知係唔係因為我地唔係好 shopping 既人，所以覺得冇乜好行。
爸爸媽媽大膽啦，經過尋晚試驗，今晚自己返酒店。
我地就去新東陽又掃一輪貨，買 d 鳯梨酥俾自己食。
其實我都好驚返去按門鐘冇人應，好在都冇事。

1/10/2010
last day 咯~
今日好天返喇。
去忠烈祠睇兵哥操兵，佢地滴哂汗咁。
成日咁操法，難怪個個都仲瘦過柴仔。
last 一日，終於完心願，走去食鼎泰豐。
之後就冇乜景點喇，東逛逛西逛逛，自由行下咁。
最後坐國光巴士去機場。
四日就咁就完喇~

小學生旅行前夕

2010-09-27T18:42:00.004+08:00

終於去得成，終於都係自由行...
爸爸七十大壽舉家台北之旅, 明天出發, 祝我地好運!
(華航呀......)

諗住搵 d 貼紙出黎貼落個喼度，易 d 認。
點知睇黎睇去都唔捨得貼~

哥哥手信

2010-09-23T23:45:00.001+08:00

柴仔哥哥去上海買俾柴仔既手信。

em......

家嫂

2010-09-22T23:42:00.003+08:00

睇電視，多數都係 99 刻薄家嫂，「難為了家嫂」。
難得我遇到既，係叫個仔唔好「難為我家嫂」既 99。
多謝 99，多謝老公~

又到放假日

2010-09-22T23:40:00.002+08:00

聽日開始放假喇！
下一個工作天係十月十一日！
哇哈哈~

Crabtree Again

2010-09-20T15:46:00.000+08:00

之前俾左呢個 form Miffy，返黎既係一萬五千幾蚊既訂單......

背包

2010-09-18T23:59:00.002+08:00

食完晚飯跟姐姐上教協。
都唔係一心諗住要買野，但係就咁岩見到個岩心水既背包。
想買個背包好耐喇 (結婚前~)，今日終於買到喇！
去旅行有背包用喇~喇喇~~

手掣

2010-09-12T23:50:00.000+08:00

今日考帶，我又唔係考，但我跟埋出去。
見 d 家長帶住小朋友考帶，我覺得我好似帶住個教練去考人帶咁~
:-P

返娘家晚飯。
經過黃金...我地...去左買手掣呀！
哇哈哈！打模擬器打到上腦，要買手掣打添呀！

返到屋企梗係急不及待試新野啦~
好玩好多~~

上上下下左右左右BA start~

2010-09-11T23:38:00.002+08:00

魂斗羅 30 條命!
但都唔係捱得好耐......

銀湖‧天峰

2010-09-05T23:24:00.002+08:00

今日同柴柴拍拖行過去銀湖‧天峰，諗住會有個商場行下。
點知荒蕪到不得了。
連惠康都細得可憐 (比起我樓下果間)。
越來越鍾意自己屋企。

紅白機

2010-09-04T23:25:00.006+08:00

早幾日同柴仔 xx 痕，搵左個紅白機模擬器返黎玩。
我細個都冇得玩既，所以對 d 遊戲一 d 都唔熟。
玩馬里奧玩到係咁死，玩左一陣就放棄。
轉玩炸彈人，因為我不停 save，所以過到好多版。:-P
柴仔就日以繼夜咁玩三國誌。

今日返去 6299 度同 Jojo 一齊玩。
我同佢實力差不多...嘻嘻...

返到屋企同柴仔雙打泡泡龍。
爆機一刻，個畫面係咁：

有咩特別？
0 vs 1060000 呀！哇卡卡！

翠玉瓜炒咸蛋炒肉片

2010-09-02T23:59:00.000+08:00

梅菜蒸肉餅

2010-08-31T23:29:00.000+08:00

蒸前

蒸後

生炒牛肉飯

2010-08-26T23:20:00.001+08:00

休息一天

2010-08-23T23:32:00.005+08:00

可能尋日睇館賽凍親，今日病左，成日都向屋企訓。
夜晚起身落街食飯，見到 d 人好關心電視，個電視只係影住架旅遊巴。
八卦問下個侍應，佢話全部人 x 哂...
一路食飯都一路睇住電視，見到都救到人，餐廳 d 人開心到拍手，舒一口氣。
返屋企睇返 d 新聞至知咁大單。

蕃茄豆腐蛋花湯 - 蘑菇排骨

2010-08-19T23:16:00.002+08:00

一家七口勞動日

2010-08-18T23:19:00.006+08:00

因為今日 6299 屋企有工程，一家七口要總動員。
我同柴仔既任務，就係帶叔仔同姑仔去登高避難 - 大埔一日遊。
要仲早過平時返工起身呀！
拿左三份免費報紙，可能唔夠訓，頭痛，都冇心機冇精神睇。

之前又話大埔一日遊，話大埔名勝有回歸塔、火車博物館...
係呀，大埔係有呢 d 名勝呀，但冇話呢團會去喎~
屋苑就去左好多個既。
哈哈，參加左零團費，俾人呃啦！

唔知係咪咁早去街，叔仔知道係大鑊野，成日都好乖，自己慢慢跟住行。
個改裝袋都幫到小小手既，姑仔唔行得咁多嘛~
行到都唔知再去邊，坐左向大埔中心超級城。
又冇人趕，一坐坐左兩個鐘，輪流放埋飯。
姑仔仲坐到無聊向度洗手...

未試過咁想返屋企，而又有家歸不得。
坐向樓下等返屋企，坐到恰眼訓...
影到呢張相：

玩完成日，一家七口都散哂咯~

新袋

2010-08-16T23:44:00.000+08:00

改裝好喇！
等假小公主小王子試坐下先~

袋

2010-08-15T23:24:00.001+08:00

為左黎緊既艱辛旅程，我同柴柴去旺角買狗狗袋。
揀左個綠色既，個主人鍾意嘛。

返去同小公主小王子去街，比平時去耐 d，等佢地習慣下。
一路行，一路係咁要佢地入袋。
佢地又唔肯喎，慣左手抱嘛。
個情況都幾狼狽，幾搞笑。

返到屋企我又用公仔引佢地入去，等佢地唔好咁怕個袋囉。
柴仔話個袋唔係咁好"咩"，要拿走改裝...
哈哈，袋都要改裝~

吃喝一天

2010-08-14T23:18:00.015+08:00

尋晚發夢漏低左個銀包，返轉頭拿返，入面乜都冇哂，得返五張好假既一百蚊紙。
破財既徵兆？

打開眼睛，成屋都係咖啡既香氣。
先來一杯自家製，下午再同柴仔去灣仔飲咖啡收炸彈。

在咖啡店往外看

Zambra Cafe

柴仔朋友未到...但...我唔客氣食野先，肚餓嘛！
呢個係吞拿魚三文治。
佢放向雪櫃度，我以為會係凍食，不過冇其他選擇，唯有都係擇佢。
點知原來係熱食，我覺得好好味，好好味呀！

柴仔朋友到，三杯咖啡合照。
柴仔係最大貪果個，要大杯~

叫多兩樣野食，前面果個麻麻地姐，後面果個都 ok 既。

嘆完咖啡，我同柴柴去美食展。
都冇去幾年架喇，不過今年可能諗住有自己屋企，所以帶我去睇下有乜岩啦。
入場券有抽獎飛，但八點先抽，我同柴仔話點會行到咁夜，所以都冇去入飛。
點知真係行到成八點，仲話返屋企睇証人...開左場啦~

行左成日，試飲左好多咖啡，飲到係咁 erk。
(em...柴仔道左我升仙...唔該你以後沖咖啡俾我飲~ )
買左一百零九蚊既東方紅湯包同五十蚊壽桃牌既麵。
仲食左雪條同鮑汁磨菇。
幾滿足。

返屋企搭小輪轉巴士，平 d 又捨意 d。
返到屋企樓下，遇到破壞我一天好心情既事...
踩到香口膠...我著鞋底好多坑坑既波鞋...SxxT！
隨地吐香口膠既人，捉到要痴舊香口膠向佢 d 頭髮度!!!

戰利品

粟米魚肚羹 - 咕咕肉 - 豆豆粥

2010-08-08T23:19:00.003+08:00

唔好似為呢個係普通既罐頭粟米湯......

柴柴話煮粟米魚肚羹，但係買完"送"，返屋企途中，我問「噫，冇買粟米喎」
仲俾柴柴話我，粟米魚肚羹唔使用粒粒粟米，開罐罐頭粟米湯就得。
點知返到屋企，發現我上次買粟米湯買錯左粒粒粟米。
(太大意喇，明明好細個果陣，亞媽已經教我分粟米湯同粒粒粟米，今次竟然買錯...)
呢次真係唔用粒粒粟米唔得啦~
柴柴俾我棟左...嘻嘻...

一人一大碗粟米魚肚羹，配好健康既豆豆粥~

3D

2010-08-07T23:23:00.006+08:00

上一次同柴公入戲院睇戲，好似已經係投名狀。
今日再次入戲院，睇 Toy Story 3。
一知道上影，我就話要去睇喇！
我睇過 1 同 2，覺得好好睇，好好笑，今次仲係 3D，想睇到不得了。

第一次睇 3D 戲，睇到隻眼幾支力架喎。
其實 d 場面又唔係好 3D。
柴公仲戴下唔戴下咁睇。
其實 2D 夠啦。

返 canteen 食個 lunch，出上海街買個浴屏碌，然後返 99 度。
小王子悶悶不樂咁呀，初初都唔知佢乜事，又唔識同我地講喎。
後來經柴公一番觀察，原來佢肚仔咕嚕咕嚕。
小朋友病病，黏住柴公，好可憐，但感覺又好溫馨~

橫風橫雨

2010-08-05T23:23:00.001+08:00

放工時間，橫風橫雨(真係橫架!)底下行去地鐵站。
好幾次要匿入人地 d 大堂/舖頭度避。
聽到身邊既人講"唔好行住呀, 唔好博呀"......
好恐怖呀......

菠菜湯 - 梅子蒸排骨

2010-08-04T23:20:00.000+08:00

苦瓜湯 - 蝦仁炒蛋

2010-07-25T23:15:00.000+08:00

唔......始終對苦瓜都提唔起興趣......

Crabtree & Eyelyn & Starbucks

2010-07-23T23:30:00.002+08:00

今日公司有 Crabtree & Eyelyn 既展銷會。
我就冇興趣，問一問 Miffy 有冇野要買。
佢係咁意問埋同事，就買左 1970 大洋貨！
大毛巾都要幾條，好似唔使錢咁。
用人錢買野，我仲係覺得好開心。

夜晚返娘家食飯。
媽媽打報告話，爸爸已經飲哂我上次買俾佢果張 Starbucks 儲值卡。
上星期都話唔敢飲住，今日咁快就飲哂！？
媽媽話佢"蘭"闊佬咁請人飲，兩次就飲哂！
嘩！有冇搞錯！
雖然話係送左俾佢，應該佢想點用就點用，但佢咁用我又好嬲囉。
我一心見佢飲過一次之後，成日都話好飲，念念不忘咁，但又唔會自己出錢去買，所以送張卡俾佢等佢可以飲下，可以同亞媽飲下。
但佢就走去請人飲，仲要人地都未必盛惠。
越諗越嬲。
仲問我仲儲唔儲值！
咪傻啦！我不如去 Starbucks 話呢 round 我既！

蕃茄豆腐蛋花湯 - 蝦香茄子

2010-07-20T23:35:00.003+08:00

芒果

2010-07-18T23:03:00.002+08:00

為食小王子：我又想食~ 我又想食~
我：你 fing 甩尾都冇你份架喇，慳返 d 力啦~

Wild

2010-07-17T21:31:00.003+08:00

星期六日，我地既飯餐都好放肆。
今日仲 wild。
有 lunch 食淨既大半隻糯米雞、兩塊麵包夾茄汁豆、燒腩仔、可樂、腐竹雞蛋薏米糖水、蘋果。
仲要就咁企向廚房食。
WILD~

玩具

2010-07-15T23:25:00.004+08:00

尋晚聽柴仔講，有地方可以拿玩具，我今日就走去問下。
真係有喎！
唔會問長問短，職員仲叫我放工去拿，等佢儲多 d 先。
第一次拿，都唔知佢個份量係點。
放工去拿，嘩，乜咁大袋呀，有排玩啦~
夜晚返屋企玩左成晚，柴仔機都冇打 tim 呀！

小組討論

2010-07-14T23:50:00.002+08:00

今日上 training 學解決問題。
當中包括例牌小組討論活動，用一個解決問題既 model 去解決問題。
對個 model 既意思/運作都唔清楚，就要向有限時間討論，尋結論。
組員之間見解唔同，我發覺我真係唔識討論，唔怪得我中文 oral 肥佬......

N 車

2010-07-10T23:30:00.003+08:00

尋晚放工要搭 N 車返屋企......
我都係頭一次。
唔搭的士，因為我仲想返到屋企。
:-P

冬瓜蛋花湯 - 沙爹金菇肥牛

2010-07-07T23:09:00.000+08:00

盡快

2010-07-06T23:23:00.002+08:00

我：盡快做俾你啦
粉腸：盡快即係幾時
我：呢一兩日啦
粉腸：即係今日定聽日
我：聽日丫
粉腸：咁聽日上午定下午
xyz@#*......

是日晚餐：

小王子小公主遊記

2010-07-04T23:25:00.001+08:00

等左兩個禮拜，今日姐姐同細哥哥又帶我地去街喇！
熱鬼辣辣，細哥哥仲捉住我地剪甲甲。
平時 d 甲甲會唔見哂架，今次執返齊小公主果十隻影左幅相。

辛苦完，行下商場涼 dd 啦。
點知有意外收獲！
發現左超市隔離有條冷氣走廊呀！
涼浸浸，唔辛苦，姐姐仲帶我地跑黎黎去添呀！
樂透~

返到屋企，休息一陣，細哥哥同我地洗白白。
姐姐搞搞震，搭條毛巾向小王子個頭度話去浸溫泉......=.="
又幾 cute 喎~

享受過後

2010-07-04T14:15:00.000+08:00

享受一杯 home made coffee 以後，就是要應付這一堆......
辛苦老公喇~

Ovaltine Latte Art

2010-07-03T23:07:00.004+08:00

早餐吃烏冬，柴仔用 Moka Pot 煮咖啡。
用打奶泡壼打子母奶，都係化屍水咁。

去買 400 克補充裝阿華田玩，練習拉花。
買 Anchor 一公升奶，Cafe Golden 得，我地冇理由唔得！
返到屋企玩 Ovaltine Latte Art，哈，我都拉到有 dd 野睇喎~
而且冇 side 到 tim，真係飲左架。
好在唔係買即溶咖啡去練，唔係點飲到咁多。

拉下拉下，好似領略到 dd 野。
同柴仔討論研究，好開心。

夜晚發現野狼拉花 blog。
睇得幾開心，有拉花，有睇到佢一家人都好 enjoy 呢個過程。
我地都係咁啦~

柴仔見我係咁睇，話我都好有興趣咁。
哈哈，睇下我熱得幾耐~

是日晚餐

七一

2010-07-01T23:05:00.008+08:00

今日出動去試靚咖啡。
七月之星係白田既 Cafe Golden。
咁岩今日係開業一週年，有咖啡杯展覽，又有人表演拉花。

我試左鮮奶咖啡&豬肩肉意大利包，老公試左鮮奶咖啡&墨西哥烤卷。
柴公話 d 拉花唔靚喎，er...都係既...

有客人帶埋狗狗去。
em...我覺得好寫意呀~

行返去 CityU，途經我既母校。
關左門，入唔到去影相，只係向外面裝裝下。

咖啡店既包包食唔飽，返到 City，都係要吃個丁麵。

向 City 見到個個都青春貌美，覺得自己老左好多。
唉~
「青春, 真可愛青春, 珍惜你光陰似金~」

離開 City，去太子諗住拿隻錶去修。
但係師傅唔向度，白行一趟。

返屋企食同事俾既荔枝。
食第一粒荔枝就見到蟲喇！
搞到柴仔之後都好小心。
係好味呀，但受唔住心理壓力，冇再食。

======
星巴克鮮奶咖啡、Cafe Golden 鮮奶咖啡、Ristretto、珍珠奶茶、檸檬茶...
柴公二十四小時飲左五杯咖啡因呀！

拉花

2010-06-29T22:37:00.003+08:00

IKEA 今日開張。
lunch 同同事走入去逛逛。
中招啦，未行哂一層就夠鐘。
向個困獸鬥入面，要離開都要花 d 時間。

柴公放工去買新既打奶泡壼同拉花壼。
買完佢過黎接我放工呀！
開心死~

返到屋企仲玩新玩具。
係好用 d 咁喎。
柴公仲拉到花既物體。
我都有拉呀，不過......好好想像力都想像唔到係乜...哇哈哈~

蕃茄豆腐蛋花湯 - 沙爹醬白豆角炒肉片

2010-06-23T23:53:00.001+08:00

唉，今餐係我煮架。
好失敗囉。
柴仔俾個湯既評語係：蕃茄還蕃茄，豆腐還豆腐，蛋還蛋
柴仔對個餸既反應係...胃痛...
唉......

呀~

2010-06-23T23:05:00.002+08:00

Miffy 生日，佢 facebook 上人人都留言生日快樂...Happy Birthday...
我只留一句 "ar~"
我覺得呢個默契，俾其他祝福更好~

又係

2010-06-23T20:32:00.002+08:00

唔記得我做左 d 乜野，柴仔話我：-

柴：你又係咁既。
我：邊個又係咁？
柴：唔係你又係咁佢又係咁果個又係，係你上次又係咁今次又係咁果個又係。

......

蕃茄粟米豆腐蛋花湯 - 蝦香茄子

2010-06-22T23:37:00.002+08:00

我都唔記得個湯係咪呢 d 料咯~
蕃茄粟米豆腐蛋花?

激吻

2010-06-19T20:33:00.002+08:00

今日發生左家居意外。
都唔知發生經過，結果就係見到隻錶向地下，變成咁：

後記：
修理要換錶面、針、字面同抹油。
好在有買家居保險，墊左二百五十蚊底，claim 左二千七百五十蚊修返好~

星巴克

2010-06-18T23:21:00.003+08:00

父親節又黎喇。
以往都唔會買咩禮物，通常食餐飯算數。
今年的起心肝買左張星巴克咖啡儲價咭俾爸爸。
佢之前飲過一次，係咁話好好飲。
睇佢又唔會捨得自己再去買黎飲，所以就諗到呢份禮物。
老人家，歎下啦~

南瓜排骨粥

2010-06-16T23:17:00.001+08:00

龍舟節，在家煮飯仔。

唔好以為係粟米湯呀

係超多愛心既南瓜排骨粥

空虛

2010-06-13T23:15:00.003+08:00

今日對住個電腦唔知做乜好。
柴仔話我係過度煲劇後遺症。
可能都係......

柴大廚出品 - 栗子炆排骨

Homemade Coffee

2010-06-12T23:52:00.007+08:00

柴公儲玩具儲左咁多日，今日終於玩喇！
咩玩具？多咯：
- Hario French Press
- Hario Coffee Mill
- Bialetti Moka Pot
- Timer
- Scale
- IKEA Milk-frothing jug
- IKEA Milk-frother
- Thermometer
- Coffee Cups

特登一早起身去買豆、買奶。
由於係第一次玩，買左 d cheap cheap 豆黎 side 下先。
柴公話食燒賣，飲咖啡，噢，唔得唔得，咁唔 match，買埋個鬆餅物體囉。

開工！
量豆，磨豆，煲煲煲。
我一路又影相又拍片，紀錄呢個歷史性時刻。
但係第一杯失敗左囉，好似有 d 燶味咁。
拉花都拉唔到，得杯普通樣咖啡。

唔好睇少細細個鬆餅，好飽架！
==========
經過一輪努力後，我煲哂 d 敗犬喇！
「卡斯，我還在~」
喊死我~ :-P

McDull@Megabox

2010-06-11T23:17:00.007+08:00

尋日 lunch 向 Megabox 搵食。
上條 express，一上到去，我嘩左出黎~
嘩，我至愛既豬呀！
所以今日特登帶埋相機，影低佢。

我仲有同麥太合照架，不過，無謂獻醜啦~

夜晚去參加亞水既婚宴。
見亞江好耐都未到，有人打電話俾佢。
原來佢唔記得左，仲約左人食飯飲野。
哈，笑死我地啦~

隔夜湯 - 西檸雞

2010-06-09T23:50:00.003+08:00

柴大廚新嘗試：西檸雞

飲返 d 隔夜湯，仲有好多料架。

唔係我整架~

菜乾白菜陳腎豬展湯 - 白飯魚煎蛋

2010-06-08T22:46:00.010+08:00

今日睇中醫，夜晚又係我大顯身手既時候。
是日靚湯係菜乾白菜陳腎豬展湯。

材料 :
菜乾 (大約 2-3棵, 視乎大小而定), 2 棵大白菜, 陳腎 1 隻, ~$20 豬展, 南北杏少許, 蜜棗 2粒
制法 :
1) 菜乾浸一個早上, 洗浄後渣乾水備用, 大白菜洗浄, 陳腎蜜棗南北杏洗浄, 豬展洗浄後飛水備用
2) 6碗水滾, 放下所有材料, 待滾後, 慢火煲 3 小時後加鹽
3) 飲得~

製作中：

上網 search 白飯魚煎蛋點整。
見到網上面有個整得好核突。(得罪哂)
http://www.towngascooking.com/blog/blog_index.asp?id=281&Display=1027
好在我都不至於係咁~

材料 :
白飯魚五兩、蛋三隻

制法 :
1) 白飯魚洗淨，待乾，加胡椒粉同豆粉，略炒後上碟，隔走多餘水/汁
2) 打蛋加鹽
3) 白飯魚撈蛋(唔好倒，要夾，夾會少 d 汁)
4) 落鑊，等一陣先反，煎到色金黃
5) 食得~

我覺得好得，不過柴仔唔係好舒服，冇乜心機食...
side 哂......

叉燒炒蛋

2010-06-02T23:23:00.001+08:00

點解張相到咁 close up?
因為就係得見到既咁多多~

Jusco

2010-06-01T23:14:00.003+08:00

今日 Mega Box 間 Jusco 開張前試業。
嘩，個場好耐冇試過咁多人喇！
嘆為觀止呀~
...睇下捱得幾耐...:-P

是日晚餐：
秀珍菇勝瓜湯

唔記得呢味係乜......

一田購物日

2010-05-30T09:56:00.004+08:00

一田又大減價呀！
由於柴仔有新玩意，所以都去睇下。

搭小巴過去，小巴司機亞姐真係唔掂。
向個大十字路口，黃燈，因為見到警車(我估)所以急煞。
但都凸哂出去，凸到十字路口中間，要倒返車。
差佬又冇黎捉喎。
車上面有個手抱細路撼到頭，勁喊。
佢亞媽呵返佢，話司機曳曳。
喊完一大輪，個細路望住個司機講野。
佢亞媽同佢友人翻譯，話佢鬧緊個司機。
最得意係，個亞媽問個細路：「食粒糖就唔痛喇，好唔好呀？」。
個細路毫不猶豫咁話：「好呀。」
細路真係直。

行哂一田，結果佢都冇收獲，得我買左件 Minnie 手手腳腳衫。
都行左好耐呀，要趕返屋企食飯，都冇行埋 IKEA。

無啦啦玩無聊遊戲：著乜野、彈乜野、整乜野。
著衫、著鞋、著襪...
彈波子、彈耳仔、彈撻、彈卷...
整蛋糕、整車、整電腦、整鬼你...
哈哈，我成日都夾硬黎，邊夠我玩！

生菜湯 - 蒸排骨 - 炒魷魚

2010-05-26T23:13:00.002+08:00

炒魷魚呀，大吉利是！

支竹火腩

2010-05-25T23:32:00.000+08:00

唔，我都仲係懷疑呢 d 係"咩" 竹。

敗犬

2010-05-24T20:28:00.002+08:00

今天放假，都在煲敗犬~
看得眼睛也累了，說話也變了普通話，真好~

新冷氣

2010-05-22T23:21:00.001+08:00

尋晚仲係開風扇，今晚開冷氣喇！

人都發毛

2010-05-21T23:25:00.000+08:00

三加一假期，第一日就散左。

神秘新娘約我今日去揀影婚紗相既衫。
出去之前同柴公吃一個早餐，幾溫馨呀！
(平時只會食到 tea，哈哈~)
去 My Dream Wedding，我搭錯升降機，去左十七樓，落後樓梯被困囉。
好在有張通告，話"如被困後樓梯，請致電xxxxxxxx"。
哈，笨蛋~

呢度安排幾好丫，每試一件，工作人員同新娘前後影相。
試哂後再俾新娘睇返 d 相慢慢揀。
d 衫好靚呀~ 我又想試呢~
呵呵呵~

試完我都冇同佢地食野就走咯。
敏感有 d 發作，街都冇心機行，直接搭車返屋企。

今日有人黎裝冷氣。
我返到去都未裝好。
柴公一直都話佢地裝得好核突。
機殼又爆左，要換過。
睇落，又係幾衰既，整污糟整崩 d 牆，唧玻璃膠又唧得核突。

舊機

新機

柴公要遙距上堂，我負責吸塵，換床單。
嘩，不得了，床都發毛喇！
暈！
抺到 d 汗一滴滴咁流...
仲要遇上一對會甩色既手套，搞到張床一撻撻，忟死我！

第一日假已經咁，聽日仲要返操，後日仲要同小朋友去街...
放假唔可以悠閒一下嘛~

是日晚餐 - 麻婆豆腐 (岩我口味，唔太辣架)

King Ludwig Beerhall

2010-05-18T23:15:00.001+08:00

今晚印花聚會。
因為 Miffy 有 coupon，所以去左呢間德國餐廳。
對德國菜冇乜概念，但呢餐俾我既感覺係比較咸。
豬手、腸都咸。
德國啤酒嘛，我都有偷飲，不過...
我諗德國野都唔係咁岩我...

蕃茄蘿蔔薯仔湯 - 蝦仁炒蛋 - 齋

2010-05-16T23:46:00.002+08:00

星期日，留在家中者飯仔。

調味料

2010-05-14T23:51:00.002+08:00

唔覺唔覺，買下買下，都買左好幾樽調味料。
黎張合照啦！

蕃茄豆腐蛋花湯 - 蝦香茄子

2010-05-13T23:50:00.003+08:00

唔係魚香，係蝦香，因為柴公用蝦醬整架！

白菜仔湯 - 梅子蒸排骨

2010-05-12T23:49:00.001+08:00

好似好味過豆豉蒸~

衰女

2010-05-11T23:13:00.002+08:00

"鄧"古古惑惑既朋友仔高興~

GOGOGO 結婚

2010-05-08T23:15:00.003+08:00

今朝中央考帶，我懶惰，冇去。
藉口係夜晚要過海飲。
:-P

今日 GOGOGO 結婚。
唔夠年半同事都可以咁...有 d 感慨...

信用咭

2010-05-07T23:06:00.003+08:00

今日 lunch 講大學信用咭。
個個都用白金咭，得我用金咭。
W 同事一句話金咭代表年紀...
佢呢句一心想話我年紀大，可惜...
死靚仔，白金咭仲老過金咭架！

紫菜魚蛋湯 - 雜豆肉碎炒飯

2010-05-06T23:03:00.006+08:00

柴大廚用新鮮飯炒飯呀！
不過落水太多，炒黎炒去都係一舊舊。
唔怕，我欣賞~
但個紫菜魚蛋湯...係咪太多紫菜呢？
怪怪咁既...

蕃茄豆腐蛋花湯 - 蘿蔔炆牛腩

2010-05-04T23:00:00.002+08:00

懶柴

2010-05-02T23:58:00.001+08:00

俾你懶一日啦~
下次到我，我都要成日唔出街~

魚魚魚力口貝

2010-05-01T23:18:00.002+08:00

慶祝母親節。
我打電話去問媽媽，佢話爸爸有節目。
媽媽唔取消慶祝不突止，仲話去食日本野。(因為爸爸實唔食)
結果真係去亮賢居果間唔知點讀既野度食。
都 ok 既，好似貴左 dd。

我掛住食，影得兩幅相咋~

又多一個煲

2010-04-30T23:15:00.004+08:00

今日又放假睇中醫，夜晚就由我下廚。
買一包湯包，實在腦閉塞，唔知整乜餸，所以又係蕃茄醬蛋肉碎。
煲個湯，我覺得湯料好多，怕又食到好飽。
諮詢過柴仔後，照整餸，湯有多可以留。
就係咁......
飯後我翻熱剩低既湯。
著左爐，坐返向電腦前面。
n 分鐘後...
柴仔望住我，「你煲緊野牙！？」
哇....即刻衝入廚房熄爐！
柴仔打開煲蓋，即刻成屋都係白煙...
=.="
上次菜乾粥個煲都未清理好，今晚又整多個...

嫌棄

2010-04-28T23:27:00.003+08:00

打機水皮得滯，俾人嫌棄，投票踢我走。
唉，打機打成咁......
:-(

南瓜又出場

2010-04-27T23:31:00.001+08:00

加左 d 雜豆，但賣相都係麻麻。
食得唔睇得~

菜乾排骨粥

2010-04-24T23:19:00.000+08:00

好日唔返操，一返又遇著八分鐘。
不過...我都唔會跟啦！
年紀大，玩唔起。

夜晚我睇火煮菜乾排骨粥。
er......
又差 d 冇得食，要加水再煲過...
個煲仲...哇哈哈...
柴仔，辛苦你喇~

白菜豆卜湯 - 煎雞翼

2010-04-21T23:07:00.001+08:00

腐竹雞蛋糖水

2010-04-20T23:05:00.000+08:00

甜入心~

娘家的腦

2010-04-19T23:09:00.002+08:00

娘家個腦終於有聲出喇。
教爸爸上網、打中文。
睇下佢係咪貪新鮮~

大結局

2010-04-18T23:40:00.005+08:00

為左睇《鐵馬尋橋》大結局，特登改左尋日返 6299 度食飯，今晚就留向屋企睇。
一向聽電視多過睇電視既柴仔，今晚坐定定向梳化同我睇大結局。
太好喇~

蕃茄豆腐蛋花湯 - 咸蛋蒸肉餅 - 炒雜豆

2010-04-14T23:46:00.002+08:00

有人整咸蛋蒸肉餅，點知內功深厚得滯，清黑色野果陣一手"鍊"爆左隻咸蛋！
得返個 un chi chi 既蛋黃，冇哂蛋白。
哇哈哈~

回家路上有我

2010-04-13T23:28:00.003+08:00

今日過海"清靈"，例牌可以早 d 走。
所以可以叮去搵柴仔，等佢放工，一齊返屋企。
一齊返屋企，真好~

想吃媽媽的粥

2010-04-12T23:16:00.004+08:00

發夢發燒，102度。
起身唔多妥，探下熱，真係發燒，100度。
結婚後第一次病，得自己向屋企，要自己照顧自己。
好想有亞媽煲粥，訓醒就食，食完再訓。
世~ 上~ 只~ 有~ 媽~ 媽~ 好~

豆豆粥 - 西芹炒肉片

2010-04-10T23:18:00.003+08:00

‎0.5 週年呀~
呢次柴公出手。
唔...我覺得我整好味 d~

節瓜咸蛋湯 - 西芹炒肉片

2010-04-08T23:15:00.002+08:00

今日又放假睇中醫。
睇之前量血壓，個機量完又量。
跟住姑娘問我見唔見暈，我唔覺，勿話冇囉。
原來話我血壓 81/54 偏低。
點先係正常，又點先可以正常返 d 呢？

放一日假，有時間，我可以出手喇~

充實復活節

2010-04-06T22:29:00.011+08:00

經過三日拜山活動，散哂。
今日要好好休養，聽日返工...

晚餐食好補既豆豆粥，仲有柴仔"杰"作 -- 南瓜豬腩肉
買相唔得，但係好味架~

好好外孫女婿

2010-04-05T23:52:00.002+08:00

我地去拜公公婆婆咁多年，都係亞媽舅父舅母去設"壇"。
今次柴仔一齊去，佢話點解咁樣，跟住就去左幫手。
哈哈，呢個外孫女婿真係好仔~

梅酒-風乾入樽

2010-04-04T23:02:00.002+08:00

浸完梅，到風乾喇。
d 梅醜樣左，有 d 點點。
等乾左夜晚再處理。

拜完山，去沙田食大家庭飯！
點解大家庭？有齊兩邊共十個人喎~
新年果陣媽媽一路都話搵奶奶地食飯，又一路都日子唔岩，搞到今時今日。
揀左食陳根記，因為之前食過都 ok。

夜晚入樽喇！
加酒加糖封口等飲~
幾個月後啦......

==========
等車返屋企果陣，柴仔講無聊野笑死我。
打架招式，要快如豹、猛如虎...靈如球...
...乜野靈如球呀？
鯪魚球呀！
暈...

梅酒-買梅

2010-04-03T23:50:00.002+08:00

終於等到四月。
柴仔一路都話要自己浸梅酒，而青梅只係每年四月先有得買，所以講左好耐，今日先有得行動。
買梅，洗乾淨，用牙籤去蒂，再浸水。
一個好開始~

一早拜完山返屋企，整左個好豐富既晚餐。
不過......麻麻地......

復活節第一日

2010-04-02T23:24:00.001+08:00

一連五日既假期開始喇！
得今日同第五日可以閒下，因為中間三日都安排左拜山活動！
起身就係下午茶時間，呵呵~
行下住家附近既商場，買左把新縮骨傘。
舊果把超級自私的傘可以退役咯。

柴仔上完運動堂返黎食湯圓。
每人可以食到兩粒糖心，兩粒花生呀！
咁都俾我揀到，幾好彩呀！

冬瓜咸蛋湯 - 藕餅

2010-04-01T23:58:00.002+08:00

製作中既藕餅

剩左既藕碎，柴仔用豉油糖炒埋，出奇好味~

芥菜咸蛋湯 - 芋蓉排骨

2010-03-31T23:55:00.001+08:00

沙爹金菇肥牛

2010-03-30T23:50:00.000+08:00

柴仔主理-沙爹金菇肥牛
好似多水左 d 喎~
不過都好味，勁！

回來我身邊

2010-03-29T23:50:00.003+08:00

都唔記得幾時借俾 Miffy 既兩隻范曉萓，今日返黎我身邊喇！
隱約仲記得當年佢向我屋企，企向個 CD 櫃前挑碟既情形。
早幾日諗起碟入面既歌，但唔見隻碟，只係聽左健康歌算數。
而家有得聽喇~

Oh 眼淚~~~

一日四餐

2010-03-27T23:17:00.008+08:00

因為我要做野，所以今日留左向屋企。
訓醒就做，做到夜晚七點，早餐要柴仔切蛋糕，lunch 要柴仔外賣飯盒，照顧周到~
:-*

走得甩走去計劃晚餐。
大廚斬雞，半隻薯仔炆，半隻整湯。
食完飯，臨時又要做多陣野...

做完野，兩公婆一齊玩人鬼情未了湯圓版~
我頭一次搓湯圓，都唔識點搓，柴仔好俾心機教我呀。
我搓糖心味，佢搓花生味。
佢話同我一齊煮野食好開心呀！
佢咁講我都好開心~

生菜魚肉湯 - 蘿蔔炒魚肉

2010-03-24T23:07:00.002+08:00

柴大廚既一魚兩味~

生菜魚肉湯 + 蘿蔔炒魚肉

超甜木瓜雪耳汁 - 西蘭花炒肉片

2010-03-23T23:16:00.007+08:00

今日請左假睇中醫。
時間岩岩好，仲可以去搵柴公食 lunch。
陪佢去平時食飯既燒味店，陪佢去搵 RAM。

送佢返工後搭巴士返屋企。
塞車呀，訓醒見到公園，差 d 卜落車。
點知原來仲未過海，我見到既公園，係維園......

今晚我下廚。
個菜好味(雖然柴仔話咸左 d)，但個湯...慘不忍睹...
雪耳煮得耐得滯，又小水...好杰...
蜜棗落得多得滯...超甜...
結果，柴仔要加水煲過...
:-P

超甜木瓜雪耳汁

西蘭花炒肉片

迷失書局中

2010-03-22T23:23:00.000+08:00

lunch 時間有時會走去書局睇下書。
之前咁岩見到一本張小嫻小說冇封到，就日日去打釘打左佢。
其實好耐冇睇過佢 d 小說喇，係之前同 Rice 傾計講開，又想睇下。
好在趕得切釘完，之後已經封返喇！

今日再去書局，有好多好多書既書局，突然乜野書都提唔起勁去睇。
語文書，睇左用唔到。
經濟書，睇左我又冇心去玩。
勵志書，講既大道理我都懂。
旅遊書，又唔係去。
愛情小說...唔...好似太唔現實。
...
咁大間書局，咁多書，我竟然唔知有乜好睇。
好似好 lost 咁...

High Tea

2010-03-21T23:48:00.002+08:00

又係消費 cash dollar 既時候。
我地又黎到又一城買 cash coupon。
因為上年太多使費，今次有幾百蚊。
我地走去 Queen's Konditorei High Tea~
每人一件 cake 一杯咖啡幾件餅仔。
哈哈，好優遊咁。
埋單一百五十四蚊，真係豪~

咸味綠豆沙

2010-03-20T23:17:00.003+08:00

上水 Miss 剪左 d 自己種既有機臭草俾我地。
初初我地都話唔要，但剪左，有人要，我地又要 d 囉。
向火車谷 d 臭草味出黎，真係幾大陣味。
去買海帶今晚整左佢。
咁多人拿左，會唔會其實得我地真係有煮呢？

d 沙搞到個煲蓋好 "lau gau"

製成品...ok ge...咸咸地囉.....